Аж үйлдвэр, эрдэс баялгийн салбарын 2026-2027 оны Хамтын хэлэлцээрийг 2025 оны 10 дугаар сарын 30-ны өдөр байгуулж, гурван талын төлөөлөл гарын үсэг зурж ёсчлон баталлаа.

ДЦС-3 ТӨХК-д гарсан үйлдвэрлэлийн ослоос хойш техник технологийн хуучралт, элэгдэл гэмтлийн улмаас удаа дараа осол аваар гарсаар байгаа, 2026 онд эрчим хүчний салбарын ажилтнуудын цалин хөлс нэмэгдэхгүй байх нөхцөл байдал үүсээд байгаа зэрэг асуудлаар МЭХГУУ-н ҮЭ-ийн холбооноос сэтгүүлчдэд мэдээлэл өглөө.

Монголын эрчим хүч, геологи, уул уурхайн ҮЭ-ийн холбооноос 2025 оны 10 дугаар сарын 09-ний өдөр Улаанбаатар хотноо “АЖИЛТНАА СОНСЪЁ” эрчим хүчний салбарын ажилтнуудын улсын II зөвлөгөөнийг амжилттай зохион байгууллаа.

МЭХГУУ-н ҮЭ-ийн холбооны урилгаар Япон улсын Цахилгаан эрчим хүчний үндэсний ҮЭ-ийн холбооны төлөөлөгчид 2025 оны наймдугаар сарын 24-28-ны өдрүүдэд Монгол Улсад айлчилж байна.

Хөдөлмөрийн тухай хуулийн III бүлэгт заасанчлан Геологи, уул уурхай, хүнд үйлдвэрийн салбарын 2026-2027 оны Хамтын хэлэлцээрийг байгуулах хуулийн хугацаа болсонтой холбогдуулан МЭХГУУ-н ҮЭ-ийн холбооноос Багануур ХК-ийн ҮЭ-ийн нэгдсэн хороотой хамтран “Анхан шатны хороодоос Хамтын хэлэлцээрт санал авах уулзалт хэлэлцүүлэг”-ийг энэ сарын 22-нд Багануур ХК дээр зохион байгууллаа.

Өмнөговь аймгийн Цогтцэций суманд үйл ажиллагаа явуулж буй БНХАУ-ын хөрөнгө оруулалттай Ти Ти Жи Ви Си ӨҮ ХХК-ийн ажилтнууд хөдөлмөрлөх эрхийнхээ төлөө тэмцэж 2025 оны зургаадугаар сарын 10-нд Сүхбаатарын талбайд цугларсан байх үед МЭХГУУ-н ҮЭ-ийн холбооны даргын үүргийг түр орлон гүйцэтгэгч, ерөнхий нарийн бичгийн дарга А.Дагвадорж тэдэнтэй очиж уулзсан юм.

Монгол Улсын Засгийн газрын 2025 оны 06 сарын 25-ны өдрийн шийдвэрээр Эрчим хүчний эдийн засгийн хүрээлэн ТӨААТҮГ-ыг Эрчим хүчний үндэсний төв ТӨХХК-д нэгтгэх шийдвэрийг тооцоо судалгаагүйгээр гаргасан нь Монгол Улсын эрчим хүчний аюулгүй байдалд шууд нөлөөлөхүйц шийдвэр болоод байна.

Аж үйлдвэр, эрдэс баялгийн яамны Төрийн захиргааны удирдлагын газрын дарга Б.Дашпүрэв, Монголын эрчим хүч, геологи, уул уурхайн үйлдвэрчний эвлэлийн холбооны даргын үүргийг түр орлон гүйцэтгэгч, Ерөнхий нарийн бичгийн дарга А.Дагвадорж, Монголын уул уурхайн үндэсний ассоциацийн хуульч М.Дэлгэржаргал нар Геологи, уул уурхай, хүнд үйлдвэрийн салбарын 2023-2024 оны гурван талт Хамт /тариф/-ын хэлэлцээрийн дүгнэлтийн актад гарын үсэг зурлаа.