Хөдөлмөр, нийгмийн түншлэлийн гурван талт Үндэсний хороо 2026 оны наймдугаар сарын 13, 17-ны өдрүүдэд тус тус хуралдаж, наймдугаар сарын 17-ны өдрийн хуралдаанаар улсын Хөдөлмөрийн хөлсний доод хэмжээ /ХХДХ/-г одоо мөрдөгдөж буй 792 мянган төгрөгөөс 26.3 хувиар нэмэгдүүлэн нэг цагт 5952,3 төгрөг, сард 1,000,000 төгрөг байхаар шинэчлэн тогтоолоо.

Монголын эрчим хүч, геологи, уул уурхайн ҮЭ-ийн холбоо болон Бүгд Найрамдах Социалист Вьетнам Улсын цахилгаан эрчим хүчний ҮЭ-ийн холбоо нь 2018 оноос хойш хамтын ажиллагаатай, эв санааны нэгдэлтэй ажиллаж, харилцан төлөөлөгчөө урьж, туршлага солилцож ирсэн билээ. Эрчим хүчний салбарын хөгжлөөрөө Зүүн өмнөд Азидаа тэргүүлдэг тус улсын Цахилгаан эрчим хүчний ҮЭ-ийн холбоо нь нийт 100 мянга орчим гишүүнчлэлтэй томоохон байгууллага юм.

Олон улсын Хөдөлмөрийн байгууллага /International Labour Organization/-ын дэмжлэгтэйгээр ОУХБ-ын ITCILO болон IE University-гээс хамтран Итали улсын Турин хотноо 2026 оны долоодугаар сарын 28-30-ны өдрүүдэд зохион байгуулсан "Нүүрсний бүс нутгийн шударга шилжилтийн стратегийг хэрэгжүүлэх практик гарын авлагын сургалт - Workshop on the Practical Guide for Just Transition Strategies in Coal Regions" олон улсын сургалтад МҮЭ-ийн холбооны шугамаар МЭХГУУ-н ҮЭ-ийн холбооны даргын үүргийг гүйцэтгэгч, ЕНБД А.Дагвадорж оролцоод ирлээ.

МЭХГУУ-н ҮЭ-ийн холбоо нь БНСУ-ын Үндэсний цахилгаан эрчим хүчний ажилчдын ҮЭ-ийн холбоотой хамтын ажиллагааны хүрээнд харилцан төлөөлөгчөө урьж, туршлага солилцож ирсэн билээ. БНСУ-ын Үндэсний цахилгаан эрчим хүчний ажилчдын ҮЭ-ийн холбоо нь 38 салбар хороо, 291 салбар нэгжтэй, 18 мянган гишүүнчлэлтэй, 80 жилийн түүхтэй байгууллага юм.

Эрчим хүчний салбарын 2026-2027 оны хамтын хэлэлцээр 2026 оны нэгдүгээр сарын 08-ны өдөр эхэлсэн ч хэлэлцээрийн талууд цалин хөлсний бүлгийг хэлэлцэх явцад тохиролцоонд хүрээгүйн улмаас МЭХГУУ-н ҮЭ-ийн холбооноос Хөдөлмөрийн сонирхлын маргааныг үүсгэж, жагсаал цуглаан зохион байгуулах, Засгийн газар, Эрчим хүчний яаманд шаардлага хүргүүлэх зэргээр бүтэн 6 сарын турш хуульд заасан бүхий л арга хэмжээг авч ажилласаар, тэмцлийн эцсийн арга зам болох Ажил хаялтыг зохион байгуулах хэмжээнд хүрээд байсан билээ.

Монгол Улсын Ерөнхий сайд Н.Учрал болон УИХ-ын дарга, гишүүдэд 2026 оны зургаадугаар сарын 30-ны өдрийн 8:00 цагаас эрчим хүчний салбарт Ажил хаялт зарласан тухай мэдэгдэл хүргүүллээ.

МЭХГУУ-н ҮЭ-ийн холбооны Гүйцэтгэх хорооны 2026 оны зургаадугаар сарын 19-ний өдрийн хуралдаанаас эрчим хүчний салбарт 06 сарын 30-ны өдрийн 8:00 цагаас эхлэн Ажил хаялт зарлах шийдвэр гарсныг хуульд зааснаар ажлын 5-аас доошгүй хоногийн өмнө буюу 06 сарын 22-ны өдөр Эрчим хүчний яаманд хүргүүлсэн.

МЭХГУУ-н ҮЭ-ийн холбооноос МУУҮА-ийн дэд захирал П.Оюунбилэгт Аж үйлдвэр, эрдэс баялгийн салбарын 2026-2027 оны Хамтын хэлэлцээр"-ийн 3.2 дахь заалтыг үндэслэн салбарын хөдөлмөрийн хөлсний доод хэмжээг 2.2 дахин нэмэгдүүлсэнтэй тэнцүү болгох нэмэлт өөрчлөлтийг баталж, бүртгүүлэн, мөрдүүлэх шаардлагыг хүргүүллээ.

Эрчим хүчний салбарын 2026-2027 оны хамт /тариф/-ын хэлэлцээрийн талууд Хамтын хэлэлцээрийн цалин хөлсний бүлгийг хэлэлцэх явцад тохиролцоонд хүрээгүйн улмаас Хөдөлмөрийн сонирхлын маргааныг үүсгэж, улмаар жагсаал цуглаан зохион байгуулах, Засгийн газар, Эрчим хүчний яаманд шаардлага хүргүүлэх зэргээр хууль тогтоомжийн дагуу үе шаттай арга хэмжээнүүдийг авч ажилласан ч яам, ажил олгогч талаас цалин нэмэгдүүлэх тодорхой санал бүхий хариу өгөлгүй өнөөдрийг хүрсэн.

МЭХГУУ-н ҮЭ-ийн холбооны Бага хурлын хооронд ҮЭ-ийн холбоог удирдах дээд байгууллага болох Гүйцэтгэх хорооны IV хуралдааныг зарлан хуралдууллаа.

“САЛХИ ЭРГЭНЭ” сүлд дуу, түүний клипэнд эрчим хүч, геологи, уул уурхайн салбарт ажилладаг энгийн хөдөлмөрчин олны ажил хөдөлмөрийн онцлогоос гадна тэднийг төлөөлөн хөдөлмөрлөх эрхийг нь хамгаалан ажилладаг салбарын ҮЭ-ийн холбооны ажлын онцлогийг орчин үеийн өнгө аяс, үг, аялгуу, дүр дүрслэлээр дамжуулан шингээж өгчээ.

Эрчим хүч, геологи, уул уурхайн салбарын мянга мянган ажилтны эв нэгдлийн бэлгэ тэмдэг болж гишүүдийнхээ талархлыг хүлээн ажилладаг Монголын эрчим хүч, геологи, уул уурхайн үйлдвэрчний эвлэлийн холбооны Түүхт 30 жилийн ойн Баярын хурал 2026 оны тавдугаар сарын 23-ны өдөр МҮЭСТО-нд ёслол төгөлдөр болж өндөрлөлөө.

Монголын эрчим хүч, геологи, уул уурхайн ҮЭ-ийн холбооны зүгээс ажилтнуудын эрх ашгийг төлөөлж, эрчим хүчний салбарын ажилтнуудын цалин хөлсийг нэмэгдүүлэх, нийгмийн баталгааг хангахад шаардлагатай хөрөнгийн эх үүсвэрийг нэн даруй шийдэж өгөхийг Улсын Их Хурал, Засгийн газраас шаардаж, жагсаал цуглаан зохион байгууллаа!

2025 оны наймдугаар сарын 24-28-ны өдрүүдэд МЭХГУУ-н ҮЭ-ийн холбооны урилгаар Дэнрёкүсоорэний төлөөлөгчид Монгол Улсад айлчилсан бол энэ удаад Дэнрёкүсоорэний урилгаар салбарын ҮЭ-ийн холбооны төлөөлөгчид 2026 оны гуравдугаар сарын 30-наас дөрөвдүгээр сарын 03-ны өдрүүдэд Япон улсад ажиллаад ирлээ.

Монголын эрчим хүч, геологи, уул уурхайн үйлдвэрчний эвлэлийн холбооны даргын үүргийг түр орлон гүйцэтгэгч, ЕНБД А.Дагвадорж, Эрчим хүчний салбар хариуцсан нарийн бичгийн дарга Д.Эрдэнэбат нарын удирдлага, тэргүүлэгчид 2026 оны гуравдугаар сарын 19-нд Эрчим хүчний зохицуулах хорооны дарга Э.Түвшинчулуун тэргүүтэй албаны хүмүүстэй уулзаж, салбарын ажилтнуудын хөдөлмөрийн үнэлэмжийг нэмэгдүүлэх, ажлын байрны зураглал хийх зэрэг асуудлаар санал солилцлоо.