Монголын эрчим хүч, геологи, уул уурхайн ҮЭ-ийн холбооноос "Монголын Эрдэс баялаг, Эмэгтэйчүүдийн холбоо" ТББ-тай хамтран ҮЭ-ийн байгууллагын үндсэн чиг үүргийг дэмжиж, хөдөлмөрийн харилцаанд хүний эрхийг хүндэтгэх, зохистой хөдөлмөр эрхлэлтийн орчин бүрдүүлэх, эвлэлдэн нэгдэх эрхийг хангах, салбарын гишүүдийн мэдлэг, ур чадварыг дээшлүүлэх зорилгоор НҮБ-ын Бизнес ба Хүний эрхийн удирдах зарчмын дагуу Монгол Улсын Засгийн газраас баталсан Үндэсний төлөвлөгөөний зорилтуудыг хэрэгжүүлэхэд хамтран ажиллах зорилтын хүрээнд салбарын ҮЭ-ийн холбооны гишүүн Уул уурхайн салбарын ҮЭ-ийн хороодын дарга, идэвхтэн сонгуультнуудыг хамруулсан сургалтыг амжилттай зохион байгууллаа.
Салбарын ҮЭ-ийн холбооны гишүүн ҮЭ-ийн хороодын 25 идэвхтэн, сонгуультан сургалтад хамрагдсан ба тус сургалтаар Бизнес ба Хүний эрхийн удирдах зарчмууд, МУ-ын Засгийн газраас баталсан 231 тоот үндэсний төлөвлөгөөний агуулга, Хөдөлмөрийн харилцаан дахь Хүний эрхийн асуудлууд болон Хамтын гэрээ байгуулах, хэлэлцээ хийхэд анхаарах зарим асуудлууд, Зөрчигдсөн эрхийг сэргээх механизм зэрэг сэдвийн хүрээнд холбогдох мэдээллийг хүргэсэн юм.
