Энэ оны нэгдүгээр сарын 24-ний өдөр Өмнөговь аймгийн Гурвантэс сумын нутагт үйл ажиллагаа явуулж буй SGS ХХК-ийн туслан гүйцэтгэгч "Сино Хайдро" ХХК-ийн ажилтнуудын зүгээс хүний эрхийн болон хөдөлмөрлөх эрх зөрчигдөж байгаа асуудлаар МЭХГУУ-н ҮЭ-ийн холбоонд хандсанаар салбарын ҮЭ-ийн холбоо болон МҮЭ-ийн холбооны удирдлагууд 200 гаруй ажилтнуудын төлөөлөлд мэргэжил, арга зүйн зөвлөгөө өгч, хуулийн хүрээнд асуудалд хандахыг зөвлөсөн.
МЭХГУУ-н ҮЭ-ийн холбооны дарга Д.Долгор ажилтнуудын гаргасан гомдлын дагуу мэргэжлийн байгууллагуудын хамтарсан үзлэг шалгалт явуулж, нөхцөл байдалтай газар дээр нь танилцан, зөрчлийг яаралтай арилгаж, хяналт шалгалт зохион байгуулах талаар ГБХНХЯ, АҮЭБЯ-нд санал хүргүүлсэн.
Уг албан хүсэлтийн дагуу ГБХНХЯ-ны Салбарын хяналтын газрын дарга Б.Батзориг, АҮЭБЯ-ны Төрийн нарийн бичгийн дарга С.Жавхланбаатар, сайдын зөвлөх Л.Чой-Иш нартай МЭХГУУ-н ҮЭ-ийн холбооны дарга Д.Долгор, уул уурхай хариуцсан нарийн бичгийн дарга А.Дагвадорж нар уулзаж уурхайчдын эрх ашгийг хамгаалж, хууль тогтоомжийн хэрэгжилтийг хангуулах хүрээнд баримталж буй бодлого шийдвэр, явуулж буй үйл ажиллагаануудаа танилцуулж "Уурхай дахь хүн" зөвлөгөөнөөс гарсан санал шаардлагуудыг хэрэгжүүлэх талаар ч санал солилцсон юм.
Ийнхүү ГБХНХЯ, АҮЭБЯ, МЭХГУУ-н ҮЭ-ийн холбоо, Өмнөговь аймгийн Засаг даргын тамгын газрын хамтарсан баг "Сино Хайдро" ХХК-ийн уурхайд 2025 оны хоёрдугаар сарын 10-13-ны өдрүүдэд ажиллалаа.
ГБХНХЯ-ны хөдөлмөрийн хяналтын улсын ахлах байцаагч М.Ууганбаатараар ахлуулсан тус багийн бүрэлдэхүүнд ГБХНХЯ-ны хөдөлмөрийн эрүүл ахуйн хяналтын улсын ахлах байцаагч Ч.Бүжинлхам, МЭХГУУ-н ҮЭ-ийн холбооны уул уурхай хариуцсан нарийн бичгийн дарга А.Дагвадорж, Шивээ-Овоо ХХК-ийн ҮЭ-ийн хорооны дарга С.Лхагвадорж, Өмнөговь аймгийн ЗДТГ-ын геологи, уул уурхайн хяналтын улсын байцаагч Ц.Отгонгэрэл, ХХҮГ-ын хөдөлмөрийн хяналтын улсын ахлах байцаагч Н.Батцэцэг, НДГ-ын нийгмийн хамгааллын хяналтын улсын байцаагч Д.Солонго нар тус тусын чиглэлийн дагуу ажиллав.
