МЭХГУУ-н ҮЭ-ийн холбооны даргын үүргийг гүйцэтгэгч, ЕНБД А.Дагвадорж 2026 оны долоодугаар сард МУУҮА-ийн зөвлөлийн даргаар сонгогдон ажиллаж буй З.Ган-Очирт баяр хүргэн амжилт хүсээд, хоёр байгууллагын хамтын ажиллагааны талаар санал солилцлоо.

МЭХГУУ-н ҮЭ-ийн холбооны даргын үүргийг гүйцэтгэгч, ЕНБД А.Дагвадорж, МҮЭ-ийн холбооны ерөнхийлөгч Э.Тамир болон удирдлагуудын хамт “Оюу толгой” ХХК-ийн гүйцэтгэх захирал С.Мөнхсүхийг хүлээн авч уулзлаа.

Хөдөлмөр, нийгмийн түншлэлийн гурван талт Үндэсний хороо 2026 оны наймдугаар сарын 13, 17-ны өдрүүдэд тус тус хуралдаж, наймдугаар сарын 17-ны өдрийн хуралдаанаар улсын Хөдөлмөрийн хөлсний доод хэмжээ /ХХДХ/-г одоо мөрдөгдөж буй 792 мянган төгрөгөөс 26.3 хувиар нэмэгдүүлэн нэг цагт 5952,3 төгрөг, сард 1,000,000 төгрөг байхаар шинэчлэн тогтоолоо.

Монголын эрчим хүч, геологи, уул уурхайн ҮЭ-ийн холбоо болон Бүгд Найрамдах Социалист Вьетнам Улсын цахилгаан эрчим хүчний ҮЭ-ийн холбоо нь 2018 оноос хойш хамтын ажиллагаатай, эв санааны нэгдэлтэй ажиллаж, харилцан төлөөлөгчөө урьж, туршлага солилцож ирсэн билээ. Эрчим хүчний салбарын хөгжлөөрөө Зүүн өмнөд Азидаа тэргүүлдэг тус улсын Цахилгаан эрчим хүчний ҮЭ-ийн холбоо нь нийт 100 мянга орчим гишүүнчлэлтэй томоохон байгууллага юм.

Олон улсын Хөдөлмөрийн байгууллага /International Labour Organization/-ын дэмжлэгтэйгээр ОУХБ-ын ITCILO болон IE University-гээс хамтран Итали улсын Турин хотноо 2026 оны долоодугаар сарын 28-30-ны өдрүүдэд зохион байгуулсан "Нүүрсний бүс нутгийн шударга шилжилтийн стратегийг хэрэгжүүлэх практик гарын авлагын сургалт - Workshop on the Practical Guide for Just Transition Strategies in Coal Regions" олон улсын сургалтад МҮЭ-ийн холбооны шугамаар МЭХГУУ-н ҮЭ-ийн холбооны даргын үүргийг гүйцэтгэгч, ЕНБД А.Дагвадорж оролцоод ирлээ.

МЭХГУУ-н ҮЭ-ийн холбоо нь БНСУ-ын Үндэсний цахилгаан эрчим хүчний ажилчдын ҮЭ-ийн холбоотой хамтын ажиллагааны хүрээнд харилцан төлөөлөгчөө урьж, туршлага солилцож ирсэн билээ. БНСУ-ын Үндэсний цахилгаан эрчим хүчний ажилчдын ҮЭ-ийн холбоо нь 38 салбар хороо, 291 салбар нэгжтэй, 18 мянган гишүүнчлэлтэй, 80 жилийн түүхтэй байгууллага юм.

Эрчим хүчний салбарын 2026-2027 оны хамтын хэлэлцээр 2026 оны нэгдүгээр сарын 08-ны өдөр эхэлсэн ч хэлэлцээрийн талууд цалин хөлсний бүлгийг хэлэлцэх явцад тохиролцоонд хүрээгүйн улмаас МЭХГУУ-н ҮЭ-ийн холбооноос Хөдөлмөрийн сонирхлын маргааныг үүсгэж, жагсаал цуглаан зохион байгуулах, Засгийн газар, Эрчим хүчний яаманд шаардлага хүргүүлэх зэргээр бүтэн 6 сарын турш хуульд заасан бүхий л арга хэмжээг авч ажилласаар, тэмцлийн эцсийн арга зам болох Ажил хаялтыг зохион байгуулах хэмжээнд хүрээд байсан билээ.

Монгол Улсын Ерөнхий сайд Н.Учрал болон УИХ-ын дарга, гишүүдэд 2026 оны зургаадугаар сарын 30-ны өдрийн 8:00 цагаас эрчим хүчний салбарт Ажил хаялт зарласан тухай мэдэгдэл хүргүүллээ.

Эрчим хүчний салбарт Ажил хаялт зохион байгуулах гэж буйтай холбогдуулан МЭХГУУ-н ҮЭ-ийн холбооны даргын үүргийг гүйцэтгэгч, ЕНБД А.Дагвадорж, Эрчим хүчний салбар хариуцсан нарийн бичгийн дарга Д.Эрдэнэбат, МҮЭ-ийн холбооны ерөнхийлөгч Э.Тамир нар салбарын ҮЭ-ийн холбооны гишүүн байгууллага болох “Улаанбаатар дулааны сүлжээ” ТӨХК-д очиж ажилтнууд, ҮЭ-ийн гишүүдэд мэдээлэл өгч ажиллалаа.

МЭХГУУ-н ҮЭ-ийн холбооны даргын үүргийг гүйцэтгэгч, ЕНБД А.Дагвадорж, Эрчим хүчний салбар хариуцсан нарийн бичгийн дарга Д.Эрдэнэбат болон тэргүүлэгчид МҮЭ-ийн холбооны ерөнхийлөгч Э.Тамир болон МҮЭ-ийн холбооны гишүүн байгууллагуудын удирдлагуудтай уулзаж, 2026 оны зургаадугаар сарын 30-ны өдрийн 8:00 цагаас эхлэн улс орон даяар зохион байгуулахаар товлоод буй эрчим хүчний салбарын ажилтнуудын Ажил хаялт, түүний бэлтгэл ажлын явцыг танилцуулж, мэдээлэл өглөө.

МЭХГУУ-н ҮЭ-ийн холбооны Гүйцэтгэх хорооны 2026 оны зургаадугаар сарын 19-ний өдрийн хуралдаанаас эрчим хүчний салбарт 06 сарын 30-ны өдрийн 8:00 цагаас эхлэн Ажил хаялт зарлах шийдвэр гарсныг хуульд зааснаар ажлын 5-аас доошгүй хоногийн өмнө буюу 06 сарын 22-ны өдөр Эрчим хүчний яаманд хүргүүлсэн.

МЭХГУУ-н ҮЭ-ийн холбооны удирдлага, тэргүүлэгчид тус холбооны анхны дарга, Монгол Улсын Аж үйлдвэрийн гавьяат ажилтан Ч.Балжиннямтай уулзаж, эрчим хүчний салбарын ажилтнууд ажил хаях гэж буйтай холбогдуулан санал солилцлоо.

МЭХГУУ-н ҮЭ-ийн холбооноос МУУҮА-ийн дэд захирал П.Оюунбилэгт Аж үйлдвэр, эрдэс баялгийн салбарын 2026-2027 оны Хамтын хэлэлцээр"-ийн 3.2 дахь заалтыг үндэслэн салбарын хөдөлмөрийн хөлсний доод хэмжээг 2.2 дахин нэмэгдүүлсэнтэй тэнцүү болгох нэмэлт өөрчлөлтийг баталж, бүртгүүлэн, мөрдүүлэх шаардлагыг хүргүүллээ.

МЭХГУУ-н ҮЭ-ийн холбооны Бага хурлын хооронд ҮЭ-ийн холбоог удирдах дээд байгууллага болох Гүйцэтгэх хорооны IV хуралдааныг зарлан хуралдууллаа.

МЭХГУУ-н ҮЭ-ийн холбооноос Эрчим хүчний яамтай хамтран зохион байгуулж буй Эрчим хүчний салбарын сагсан бөмбөг, ширээний теннис, волейбол, шатар, и-спорт, олс таталт гэсэн 6 төрөлт Спортын их наадмын нээлт 2026 оны тавдугаар сарын 26-ны өдөр Цэнгэлдэх хүрээлэнд боллоо.